BE.216 Logu no.89
GARGAR DOLOK

Ayat 1
Gargar dolok tapor batu Ndang na gargar asi ni
Roha sian Debatangku Sai na hot padanNa i
Asi ni rohangKu do Ndang na munsat sian ho

Ayat 2
Na nidok ni Debatangku Patut huundukkon i
Sai mangolu do tondingku Molo huihuthon i
Asi ni rohangKu do Ndang na munsat sian ho

Ayat 3
Saluhutna na dung loja Mangulahi do gogo
Sonang jala las rohana Ia diasangkon do
Asi ni rohangKu do Ndang na munsat sian ho

Ayat 4
Marsak ala ni dosamu Bobos mida uhum ho
Sai haposi ma Tuhanmu Na tongtong mandok tu ho
Asi ni rohangKu do Ndang na munsat sian ho

Ayat 5
Sai patogu ma rohangku O Tuhan di hataMi
Unang pola au be ganggu Paima bagabagaMi
Asi ni rohangKu do Ndang na munsat sian ho

Ayat 6
Ia ro pe hamatean Di na suda bohalhi
Hangoluan ma hutean Sian na mandokkon i
Asi ni rohangKu do Ndang na munsat sian ho
